దృశ్య శ్రవణ అష్టావధానము

తొలి దృశ్య శ్రవణ అష్టావధానము

సాదృశ్యశ్రవణావధాన రుచిర ప్రజ్ఞా సుధామాధురీ

తాదృగ్వాణి విచారధార ధిషణోదార స్వభాసావరీ

యేదృక్పండిత మండితాన్విత సమానీయోత్తమా వాగ్ఝరీ

మాదృగ్బాల ముకుంద పల్లవ కరోన్మత్తాప్రమత్తాకరీ ||

స్వస్తి శ్రీ శార్వరి నామ సంవత్సరము,

ఉత్తరాయణము, వసంతఋతువు ,

చైత్ర మాసము, కృష్ణ దశమి,

శుక్రవారము అనగా తేది 17-4-2020 మధ్యాహ్నము 

1-30 గంటలకు  మొట్టమొదటి 

దృశ్య శ్రవణ అవధానము నిర్వహించబడింది

అవధానవర్యులు

శ్రీమతి & శ్రీ గౌరీభట్ల రుక్మిణీ బాలముకుంద శర్మ, గోలోకాశ్రమము, సిద్దిపేట

సంయోజకులు: 

శ్రీ పవన్ కుమార్ శర్మ, కామారెడ్డి

నిర్వహణ : 

శ్రీ గోగులపాటి కృష్ణమోహన్, 
సూరారంకాలని, హైదరాబాదు.

పృచ్ఛకులు
శ్రీ ముత్యంపేట గౌరిశంకరశర్మ - న్యస్తాక్షరి
శ్రీ అష్టకాల విద్యాచరణ్ - దత్తపది
శ్రీ రామక కృష్ణమూర్తి - దృశ్యం
శ్రీ మాడుగుల భాస్కర శర్మ -  చంధోభాషణం
శ్రీమతి జ్ఙానప్రసూన శర్మ - వర్ణన
శ్రీమతి పద్మ చిగురాల - సమస్య
శ్రీమతి బాలసుజాత - అంత్యాదక్షరి
శ్రీ నందబాల శర్మ  - అప్రస్తుతం


ప్రార్ధన
స్థానవిశేషమే గణపధామముగా మది భావనంబుతో
స్థానవిశేషమే వరవిధాయిని వాణి సరూపమంౘు సం
స్థాన శేషమే సదవధానపు పృచ్ఛక బృందమంచు నీ
స్థాన విశేషమే మది విచారము గల్గగ జేయు భారతీ!

రామక కృష్ణమూర్తి

అంశము : దృశ్యము

శ్రీ కృష్ణుని పాదాలు

శ్రీ కృష్ణుని పాదాలు

*రుక్మావతి ఛందస్సు:*

1)ప్రతిపాదంలో భ,మ,గ,స అనే గణాలు వస్తాయి.
2)1-6 అక్షరాలకు యతిమైత్రి చెల్లుతుంది
3)ప్రాస నియమం కలదు

చిత్రానికి పద్యము.....

కృష్ణవిభో సంక్లిష్ట గృహస్థ
స్యోష్ణ కరోనా శుద్ధ కృతార్థే
వృష్ణి కులోద్భవ్యేష్ట పదాబ్జౌ
హిష్ణుతయా వందే హృది రంగే

ముత్యంపేట గౌరిశంకర శర్మ

అంశము: న్యస్తాక్షరి

భా
ర
త
ము
ప్రతి పాదంలోను మొదటి అక్షరంగా చెబుతూ
మోదీ గారిని వర్ణించండి
స్వేచ్ఛా ఛందము

అవధాని పూరణ
న్యస్తాక్షరి....

భార తమమైన కార్యసంభావ్య శీల
రణ వరాంగణ లక్ష్య వైరాజ జేత
తరుణ తారణ వరణీయ ధన్యజీవి
ముసలమౌ శత్రుమూకకు మోడిఁదలతుముసలమౌ శతృమూకకు మోడి దలతుదలతు

మాడుగుల భాస్కర శర్మ -  

చంధోభాషణం.1

వీణా పుస్తకపాణిమాటలెటుగా
అవధాని పూరణ
విన్పించెనిచ్చోట మా
వాణిన్ ప్రశ్నలు వేయుకాలమున ,శ్రీ
వాగ్దేవ విన్పించరే
*ప్రాణాపానసమావధాన కలితా లాస్యోద్భవా భారతీ*
*వీణానాదమె యీవధానమున తావీక్షించు పృచ్ఛాళిగా*

ఛందోభాషణము .2.

చీరలుదాచి గోపికల సేమము గోరునె కృష్ణడచ్చటన్
అవధాని పూరణ
వారలవస్త్రహీన పరివార విచేష్టల మాన్పబూని తా
గోరెను ధర్మబద్ధ గుణ
కూరిమి నేర్పగ కోర్కె దీర్పగన్

జారిణులన్ పడేయనగు
జారుడు గాడె యశోద పట్టియున్

దోర్బల బాలసుజాత 

అంత్యాద్యక్షరి

దేవా! దీనజనావనా! శుభకరా దివ్యప్రభా భాసురా!
రావా రాల్పగ నీదయార్ద్ర రస ధారన్ చంద్రమౌళీశ్వరా!
నీవే లోకుల పాలి పెన్నిధివిరా నీసన్నిధిన్ గూర్పరా
సేవన్ జేసెద ముక్తిమార్గమిడరా శ్రీ రాజ రాజేశ్వరా

అవధాని పూరణ
రాజిత వారాహీ సమ
ధీజన జట శూల పార్వతీ యువిదలిలన్
గోజిత రాజేశ్వరున
వ్యాజముగా ముదము గొలుతు భక్తిగ మదిలోన్

అష్టకాల విద్యాచరణ్

దత్తపది...

పాములు, పాములు, పాములు, పాములు,
స్వార్థంలో గాని, అన్యార్థం లో గానీ ప్రయోగించి.
సర్పయాగ వర్ణన..

అవధాని పూరణ
పాముల పాముటేల కలివైనము బాధ్యతగా పరిగ్రహిం
చే మహిషాసకుండగు విజేత పరీక్షితు పాములాటలో
పామరుడై మృతిన్ గొనుట భావ్యమె పాముల జాతి లక్షణం
 బే మృతిగాంచు జన్నము సుభిక్షము పాముల జన్మ ధన్యమున్

పద్మ చిగురాల

సమస్యాపూరణము...

సమస్య
*శార్దూలంబుకు బావగావలె సుమా శ్వానంబు, సింహంబులున్..!*

అవధాని పూరణ:
దర్దూరాస్యమునందు కీటకము సంధానించు వైనంబు స
మ్మర్ధారణ్య మృగాళి కేళి రవళీ మాత్సర్యవైరుధ్యమం
తర్దీనత్వముగాంచె నెయ్యమున సద్భావంబు జన్యమ్మయెన్ ,
శార్దూలంబుకు బావగావలె సుమా శ్వానంబు, సింహంబులున్..!

జ్ఙాన ప్రసూన శర్మ 

వర్ణన

వర్ణన.  :కర్ణుని లోభత్వం

అవధాని పూరణ
ఆ.వె
*****
తల్లు లిరువురికిని తాసేవజేయక
తమ్ము లేవురనిన నమ్మబోక
అంగ దేశమునకు నాధిపత్యమొదల
లేని కర్ణుడతడు లిప్తలోభి

ఈ అవధానం పూర్తిగా యూట్యూబ్ లో చూడటానికి

https://youtu.be/P1nPyhKoMRQ

మీ
గోగులపాటి కృష్ణమోహన్

స్వస్తి